註冊 微博



打印

圓石藍GS3開箱文!分享少少你可能不知的隱藏功能!

圓石藍GS3開箱文!分享少少你可能不知的隱藏功能! E-mail 此主題給朋友

[隱藏]
小弟用0左三星電話都有十二年了
由人生第一部電話黑白機用到而家0既第八部三星手機..中間未試過轉第二個牌子
可以話係一個200%0既死忠!以下呢篇分享大家就當係鱔稿咁睇啦...哈哈
唔鍾意睇0既可以走先..因為下面都幾長氣..無謂0徙大家時間

話說小弟由用0左一年0既S2升級去S3..6/9拎機
眼見討論區成日有人話冇S3開箱文..於是我就0拿0拿聲整一篇出0黎俾大家嘆嘆
哈哈..廢話唔講咁多..入正題

開頭有兩隻色揀..因為見得太多白色機..同自己都用過幾部黑色機
所以一開始就已經選定0左圓石藍
機身顏色同質感有金屬紋..好特別..呢個亦都係其中一個我揀藍色0既原因



雖然話到底都係膠機一部...但由於顏色問題..膠感都可以減到少少0既
0係唔同燈光同角度下..其實機身顏色變化都好大..時灰時藍時紫..好詭秘
要自己見過實機先會知係咪自己杯茶
目錄鍵同返回鍵0係唔著0既情況下係收埋0左
比起有0的機就算唔著都有個燈印0係度型仔得多





本人不嬲都唔鍾意用原裝0野
所以已經早早就裝入GO介面了..個性化好多
原裝介面反應都好快..其中一個iFanboy 0既fd都話反應同iphone一樣
但我覺得GS2已經係啦..可能係GS3塊康寧2代玻璃跣手...所以感覺上快
另外..之前上網睇過教學
唔知大家有冇發現撳home制返home page 0既反應好鈍呢?
咁係因為S Voice function 0既出現..按兩0下就自動彈入S Voice
0係你按一0下後..因為電話未識別到你會否撳多次home制入s voice
所以撳完一次出home page會等一陣先真正出到home page
解決方法..入s voice個setting...untick "launch s voice"就OK 0架喇..
反應當堂jar jar 聲...





拎0左GS I9003, GS2, GS3作芒比較
先唔好講之前一大堆數據又話GS3低解像度過GS2等等說話
因為我對眼就係証據!試問未真正用過兩部機0既人有乜証據咁講?
數據呢0的0野..從來都係好死!
GS3個芒的確清過GS2好多..偏色問題亦得到改善
其實本人部GS2係第一水..所以偏色問題冇咁嚴重(可以話係冇)..年底出0個0的GS2..真係偏色到離晒罩!



0黎到呢一代GS3..我諗三星都知道某0的用家0既意見...
話個芒好味精/0的色濃到假..所以今次就加入0左"自然"mode俾大家去揀...
大家可以睇0下下面標準mode同自然mode 0既分別..色水爭好遠..我係絕對唔會用白烚mode的
不過對我0黎講..由以前N年前用第一部三星彩芒用0既普通TFT..就係鍾意佢個芒色水夠sharp
比其他牌子吸引好多..可能用0左咁多年..養壞0左我隻眼了..大家就當我色弱啦..哈哈



講完上面堆廢話之後
接落0黎就同大家講講GS3入面一0的可能冇乜人知0既功能啦
可能有0的大家都會知

聽歌方面..今次GS3用返Wolfson隻晶片...音質有返咁上下
層次感都豐富..
一洗GS2爛音皇之名...
有Iphone用家話仲好音過iphone..不過人0地對耳唔同自己對耳..
呢方面真係要自己試過先知..
有一個分唇唔知大家知唔知..
就係大家只要講"Play".."Stop".."Next"."Pause"
播放器就會跟住你0既語音指令去做..


影相方面...真係做到零廷遲...好快..
另外..由lock機畫面入...大家都知只要用一隻手指按住芒90度轉就即刻入到相機外..
其實仲可以set喚醒指令...只要大家set 0左...lock機畫面講"影相"...就會即刻入相機.."解鎖"就解鎖
咁當然...set喚醒指令0個陣...唔一定要set講"影相"0既..講"相機"..."photo"都得..
解鎖講"芝麻開門"都得...又離0左題tim..哈哈

仲有..之前見到有post話買GS3俾人呃..俾人坤話影相有聲控...其實冇
但我想講0既係..GS3影相的而且確係有聲控!我要大平反!
其實GS3個聲控影相真係好方便...原理同幾年前三星Mirror系列0既DC仔一樣
(影相介面右上角其實有個人仔提示..不過好多人都唔知係乜東東)
相信好多人試過一大班人又或者自己一個自拍0個陣..無論用主鏡頭定前鏡頭
0係一部冇影相實鍵0既手機自拍...係一件難事..唔係手震...就撳錯第二0的制
其實大家只要0係影0個陣..講"Smile"又或者"Cheers"...手機就會自動影0架喇
唔信0既話..大家拎住自己部GS3試0下..前後鏡頭都得..
不過唔好0係街試..我驚人0地以為你精神有問題..哈哈

**用語音指令前..要先確定以下設定已經開0左
設定>語言和輸入>應用程式的語音指令


除此之外..其實今次GS3都加入好多聲控功能..例如鬧鐘暫停等等
不得不提..仲有下面呢個靈異功能.."在袋裡時增加音量" (撥號介面>目錄鍵>通話設定)
先勿論究竟用乜原理同實用性有幾大
有呢個功能..人性化方面都可以加返0.5分0既


[ 本帖最後由 danielboy 於 2012-6-27 12:30 AM 編輯 ]



實用相關搜尋: 電話 數據 金屬 影相

TOP HOME

另外...我想講講LED提示燈方面...
led從來都大多出現0係日韓手機裡頭...
我對上一部有led燈0既電話已經係N628了(黑白機)..
後生仔未必知係邊部...但當時N628 0既16和弦鈴聲真係出晒名..
哈哈..又離題...
我見有好多人都問除0左本身LED三隻原色外(紅綠藍)...仲有冇得set第二隻色...
其實答案係有!只要用第三方app....紅橙黃綠青藍紫粉紅白...你鍾意瘀黑色都得tim呀!
而且第三方app比機本身setting 0黎得更detail..
email用乜色...whatsapp用乜色..line用乜色...fb用乜色...fd caster用乜色..下刪六千字


最後..我就係要講講呢個我最欣賞0既分唇 - NFC/S Beam喇...
NFC可以check發達通餘額我諗大家都知...
但我發覺原來好多人將Andriod Beam同S Beam撈亂0左...
好多人都話..."車..S Beam咪即係Andriod Beam...抄0野當新0野"
但其實S Beam係Andriod Beam 0既升級版...三星都已經講0左..
S Beam其實係結合0左wifi direct 0既一個超方便傳file方法..
用過wifi direct send file都知...其實比用bt send file係快好多倍..
但其中一個不便就係同bt一樣...send 0野0個陣要search人...擾攘一輪..
而S Beam就係慳0左呢個step...只要兩部機一拍...就可以唔駛search人...自動過file
咁同Andriod Beam有乜分別呢..?...分別就大lor...
你試0下用Andriod Beam send大圖/歌/片...睇0下send唔send到0野?..
其實Andriod Beam只能夠send一0的簡單0既data...不過可能遲0的會有第三方apps改良Andriod Beam都唔定.

仲有一個功能我想提一提....就係0個個什麼畫中畫...
如果youtube...同其他media player都support埋會好好多...
至於你話呢個分唇曾經掀起話題...大家又話三星抄唔知邊個邊個app..
問心..你估三星咁大間公司真係唔知有呢0的apps咩?
佢0地個Marketing不嬲都勁...試問...GS3未講有畫中畫之前...有幾多人係知有類似0既apps呢?
我諗好少人知囉...(起碼我見識少唔知先)
介唔介意俾人話抄app係其次...主要目的係能夠令部機成功製造話題有gimmick..
人0地一講起畫中畫只會諗起GS3...marketing就係成功0左..



講0左咁多廢話...就作個簡單總結吧..
成日見到有人開post問買one x好定GS3好..
跟住就會有一大班人話...0個部有偏黃...呢部又偏藍...又lee又路
從來...我只信自己隻眼...人人口味都唔同...
有人食糉鍾意落砂糖...有人鍾意落豉油...有人鍾意兩樣都落...
始終...要自己試過先知道自己0既口味...
道理同買機一樣...買之前自己最好試清楚..無謂上網問人..
因為家陣係你用...而唔係人0地用...

真係最後最後喇...
想0係度同大家分享一0下自己每次換Andriod機都必裝0既例菜..
1)Go介面 - 有好多theme單撈...icon...過場效果..版面...通通可以易容一番...同以前Nokia/SE換theme差唔多
2)香港地區天氣 - 用過最好用0既天氣apps..外國個0的apps天氣唔準...唔夠detail..
   唯獨是試過咁多得呢個本地app最正...widget算靚仔..下至酷熱天氣警告..上至黃雨黑雨...十號風球,一號風球都有reminder/pop-up
   而且仲識得耐唔耐定0下位..身處沙田就知沙田天氣...唔會就咁好似外國app...Hong Kong就代表晒
3)Blackmart/N多網 - 用開Andriod機都知係乜東東...總知係正0野啦..自己上google search apk檔單撈!冇死錯人!
4)小熊來電 - 自動攔截廣告電話...正!
5)Full Screen Caller ID - 全熒幕高清來電照片/短片顯示...用過咁多呢個最正!
6)Flashlight - 電筒
7)香港地鐵輕鐵 - 比官方app好用成千倍
8)KMB - check巴士線
9)Screen Off and lock - 將widgets放0係home page..一按即鎖...減少lock/power鍵秏用率
10)Chaton - 比whatsapp更全面...更多0野玩..同時可以0係電腦玩(0係公司唔駛成日俾人見拎住部電話玩)...支援ios/andriod/window...
11)Dolphin/Opera Mobile - 覺得原裝browser唔好用0既話...呢兩個都唔錯..
12)After Focus/Little Photo/Pixlr-o-matic/Photo Shake Pro - 基本上...改相effect...用呢4個apps已經夠玩有凸
13)八達通餘額 - 配合NFC check八達通餘額
14)Light Flow - 將手機0既led提示燈setting完全玩盡15)Foto Tiles Slideshow - 用過最正0既幻燈片live wallpaper...可以揀自己相...不過Play Store已落架..要自己0係google搵apk檔

最後....送上一張溫情洋溢0既銀河全家福


[ 本帖最後由 danielboy 於 2012-6-25 02:03 AM 編輯 ]



實用相關搜尋: 高清 電話 廣告 email google 靚仔 香港 八達通

TOP HOME

ghfg

thz



TOP HOME

唔該哂,但點解我部s3搵唔到通話設定???






熱門搜尋: recruit 菲傭 退休 家務 助理 translator

TOP HOME

[隱藏]
你居然用Chaton 都唔用whatsapp


熱門搜尋: 結他 琴行 yamaha

TOP HOME

嘩~~~真係好多功能我係唔知@@正


熱門搜尋: hk law 慈善

TOP HOME

最正係改led燈,good



TOP HOME

師兄想問下你點樣開動喚醒指令嫁???我係新手唔識用,同埋我lock機畫面篤芒90度都唔係影相@@



TOP HOME

頂一頂, 師兄依個POST好正~!

TOP HOME

[隱藏]
我都想分享一個app

就係有人話畫中畫唔support Youtube

其實你去jetvd.com度dl個app,佢支持睇youtube片1080p,佢個app既片就係由youtube取得的,因為jetvd係用原生播放器睇播,所以做到畫中畫



熱門搜尋: 去 暗瘡印 gel 駁髮 抗 氧化

TOP HOME

全篇野都寫得唔錯, 好真下, 直到你講Chaton.......
差d比你呃到, 但都已經寫得幾好, 繼續努力

TOP HOME

引用:
原帖由 pokapi 於 2012-6-25 04:45 AM 發表
你居然用Chaton 都唔用whatsapp
其實我兩邊用..
因為chaton可以send埋ppt...pdf..word檔..
同埋畫動畫0個度好正...哈哈



熱門搜尋: 去 暗瘡印

TOP HOME

引用:
原帖由 只愛萬寶路 於 2012-6-25 07:34 AM 發表
師兄想問下你點樣開動喚醒指令嫁???我係新手唔識用,同埋我lock機畫面篤芒90度都唔係影相@@
首先你要睇0setting有冇開度先..
安全性>鎖定熒幕選項>相機快捷捷徑
另外.. 安全性>鎖定熒幕選項>喚醒指令
如果開0左相機快捷捷徑..
理論上…0lock screen..
用一隻手指頭輕按住個芒>手機反時針轉90>放手就入到..




TOP HOME

引用:
原帖由 Berry135575 於 2012-6-25 09:18 AM 發表
我都想分享一個app

就係有人話畫中畫唔support Youtube

其實你去jetvd.com度dl個app,佢支持睇youtube片1080p,佢個app既片就係由youtube取得的,因為jetvd係用原生播放器睇播,所以做到畫中畫
等我一陣試試先...thanks<

TOP HOME

[隱藏]
不錯,夠細節,資料全實,加油!


熱門搜尋: recruit

TOP HOME

伸延閱讀
 提示:支持鍵盤翻頁 ←左 右→ 發新話題發佈投票

重要聲明:本討論區是以即時上載留言的方式運作,Uwants.com討論區對所有留言的真實性、完整性及立場等,不負任何法律責任。而一切留言之言論只代表留言者個人意見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。Uwants.com討論區有權刪除任何留言及拒絕任何人士上載留言 (刪除前或不會作事先警告及通知 ),同時亦有不刪除留言的權利,如有任何爭議,管理員擁有最終的詮釋權。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright © 2003- Uwants.com All Right Reserved.
版權所有,不得轉載。

10.0.0.11