Uwants TV消閒生活手機討論遊戲地帶影視娛樂校園生活數碼科技寵物樂園學術文化體育世界購物廣場時事投資貼圖影片上班一族美容纖體戀愛婚姻汽車討論成人資訊博彩娛樂資源交流站務管理
發帖
註冊 登入/註冊 微博



追帖 打印

[其他] 電競手機就係連個盒都型過人



電競手機就係連個盒都型過人

[隱藏]
平時用開 iPhone 打機,打一陣部機就開始發熱,再打多陣仲會 Lag 機,有時仲會彈 Game,真心躁,所以前排就決定去買部電競手機。所謂電競手機,其實都係得雷蛇同小米,但係近期見 Asus 出咗部 ROG Phone,又有好多專為打機而設嘅配件,所以就入咗手,見得閒,寫篇開箱文先。




買返黎,第一下感覺係「嘩,連個盒都型過人!?」,六邊形柱體形狀嘅包裝盒,一打開就見到成件事好立體,左右兩邊嘅配件一陣再介紹,先講講中間嘅主角 ROG Phone。




ROG Phone 一揸上手,你就 Feel 到陣好濃嘅電競味道,機身結合了玻璃及金屬材質,多處都用了不規則的幾何設計,比如鏡頭位咁,眾觀坊間手機,方形、圓形鏡頭位都見唔少,但係 ROG Phone 依個不規則形狀,啱晒啲「不按牌理出牌」嘅電競玩家。而最最最型棍嘅,梗係機背依個 RGB 幻燈 LOGO,仲可以於系統自訂 Aura 幻燈效果,閃到 Disco 咁,以後你一邊打機,朋友就喺隔離睇「幻彩詠香江」。



有姿勢都要有實際,平時 iPhone 打機好食電,打打下機要衝去叉電都試唔少,叉住電打機又麻鬼煩,橫倒打機嘅時候總係俾條叉電線 Kick 住,好唔爽。而廠商就深明依個道理,所以將機底充電位移過少少,手大嘅用家都係覺得阻住,就可以睇睇機身左側,依度有一對好似連體嬰咁嘅 USB C 位,用黎叉電之外,仲可以用黎插官方配件!




講起官方配件,重點就黎啦,因為 ROG Phone 官方配件有成 7、8 款,好多都要另購,但係跟機就一定包埋依個 AeroActive 散熱風扇。平時用 iPhone 打機,例牌打到興恰恰(講緊部手機),又要濕晒(手汗)。

而 ROG Phone 因為係電競手機,梗係預咗你會用黎打機啦!所以硬件配置一定用到最高階,8 GB RAM、128GB/512GB ROM,高處都未算高,ROG Phone 搭配嘅 Snapdragon 845 處理器可以超頻到最高 2.96GHz,本身打機唔會 LAG 機之餘,亦都未見有發熱問題,但係再插埋 AeroActive 散熱風扇,手掌 Keep 住乾爽涼快,動作都靈敏啲啦!



平時食雞,一定唔少得買兩粒食雞神器,但係阻頭阻勢,又要抆抆插插,又要遮住畫面,其實都幾無謂。但係 ROG Phone 就內置有個強大功能!就係兩個 AirTriggers 觸控鍵,就喺電源鍵側邊,搵極都搵唔到?其實好正常,因為 AirTriggers 用了超音波觸控技術,所以依兩粒係「看不見,但係㩒得到」嘅制,輕輕鬆鬆食雞。用家可以設定 AirTriggers 套用於螢幕的任何地方,姐係如果遊戲介面更新,用家都可以將 AirTriggers 嘅點擊位置重新設定。



由於本人是窮 L,所以買唔起其他配件,但係都用少少篇幅簡介下!云云配件之中,最吸引我嘅係 TwinView 雙螢幕基座,只要將手機裝到 TwinView 上,就會變做雙螢幕遊戲機,如果遊戲支援的話,可以用作顯示遊戲的第二畫面,亦可以用黎操控直播介面、WhatsApp/Instagram ⋯,就算一邊玩傳說對決,一邊玩王者榮耀都仲得!



之後一定要講講 Gamevice 控制器,具有兩個搖桿、R/L 鍵、十字方向鍵 A,B,X,Y 與 L3、R3 鍵與多工切換鍵,簡單黎講就係外置手制,但係用家可以將畫面上的任何位置進行 Key Mapping,打機操作即刻爽手咗,名符其實「實體外掛」。



另外仲有將手機變電腦的的 Mobile Desktop Dock、將畫面無線投射到電視上的 WiGig Display Dock、五合一 Type C 底座 Professional Dock 同埋專用手機殻,梗有一款啱你用(我依家要去儲錢,升級裝備啦!BYE!)。

=================
ROG Phone 依家賣緊正價係 $7398 (128GB) / $9198 (512GB) ,但係去 csl 買淨機就送2000 club積分,姐係可以免費換到 ROG Phone 專用保護殼。
另外 csl 都有個 0 機價出機嘅 Plan,仲可以配埋其他電競周邊,詳情自己睇啦:https://www.hkcsl.com/tc/rogphone/

[ 本帖最後由 xboy0010 於 2018-12-27 10:28 AM 編輯 ]







回覆 引用 TOP

我买…………………………


















































pocophone f1

回覆 引用 TOP

呢部堅好用,我一出就買,仲連埋個喼set👍



回覆 引用 TOP



伸延閱讀
[按此隱藏 Google 建議的相符內容]
 提示:支持鍵盤翻頁 ←左 右→ 發新話題發佈投票
請先登入
小貼士:
依家可以用“@”tag會員啦!